முன்னணி தொலைக்காட்சியில் ஒளிபரப்பாகும் கயல் தொடரில் நடித்து வருகிறவர் அபி நவ்யா. சித்திரம் பேசுதடி, கண்மணி, பிரியமானவள், சிவா மனசுல சக்தி போன்ற பல தொடர்களில் நடித்து இருக்கிறார்.

இவரும் ஜீ தமிழ் சேனனில் ஒளிபரப்பாகும் என்றென்றும் புன்னகை தொடரில் நடித்து வரும் தீபக்கும் கடந்த சில ஆண்டுகளாகவே காதலித்து வந்தனர். காதலுக்கு இருவரின் குடும்பத்தாரும் பச்சைகொடி காட்டியதால் கடந்த ஆண்டு இவர்களுக்கு நிச்சயதார்த்தம் நடந்தது.

கொரோனா பரவல் காரணமாக தள்ளி போடப்பட்டு வந்த திருமணம் இப்போது முடிந்துள்ளது. மாங்காட்டில் நடந்த திருமணத்தில் இருவரின் குடும்பத்தினர் மற்றும் நெருங்கிய நண்பர்கள் மட்டும் கலந்து கொண்டனர். முன்னதாக நடந்த திருமண வரவேற்பு நிகழ்ச்சியில் சின்னத்திரை பிரபலங்கள் பலர் கலந்து கொண்டனர்.