பிக்பாஸ் சீசன் 6 டிஆர்பி ரேட்டிங்கை அள்ளி வருகிறது. மற்ற சீசன்களில் எல்லாம் போகபோகத்தான் போட்டியாளர்களிடையே சண்டை வரும். ஆனால், இந்த சீசனிலோ முதல் நாளில் இருந்தே எவிக்ஷன் நாமினேஷன், சண்டை, அழுகை என சுவாரசியமாக சென்று கொண்டிருக்கிறது. இம்முறை பங்கேற்றுள்ள போட்டியாளர்களில் ஜி.பி. முத்துவிற்கு நல்ல வரவேற்பு கிடைத்துள்ளது.

இந்நிலையில், அவரை முதல் நாளிலிருந்தே டார்கெட் செய்து வருகிறார் தனலெட்சுமி. ஜி.பி. முத்து, ஆயிஷா, தனலெட்சுமி ஆகியோருக்கு இடையே நடைபெற்ற வாக்குவாதத்தில் தனலெட்சுமி ஜி.பி. முத்துவை "ஓவரா நடிக்காதீங்க" என்று திட்டினார். இதனால், சோகமடைந்த ஜி.பி. முத்துவை சக போட்டியாளர்கள் சமாதானம் செய்ய முயன்றனர். அதுமட்டுமில்லாமல் கேமரா முன் நின்ற பேசிய தனலெட்சுமி "ஜி.பி.முத்துவை பார்த்தாலே இரிட்டேட்டிங்கா இருக்கு" என்று தன் வன்மத்தை கக்கியுள்ளார். இதை பார்த்து கடுப்பான ரசிகர்கள் தனலெட்சுமியை இந்த சீசனின் விஷக்கிருமி என்று திட்டி வருகின்றனர். மேலும், அவரை கிண்டலடித்து பல மீம்ஸ்களும் இணையத்தில் வலம் வருகின்றன.