சின்னத்திரையில் பிரியங்கா நல்காரி சிபு சூரியன் நடிப்பில் வெளியான "ரோஜா" சீரியல் நீண்ட நாட்களாக டிஆர்பியில் நம்பர் 1 இடத்தை தக்க வைத்து சாதனை படைத்தது. பல மசாலா தூவல்களுடன் சினிமாவுக்கு இணையாக ஜனரஞ்சகமாக எடுக்கப்பட்ட இந்த தொடருக்கு மக்களின் வரவேற்பும் அதிகம் கிடைத்தது.

இந்நிலையில் "ரோஜா சீசன் 2"விற்கான புரோமோ அண்மையில் வெளியாகி மிகப்பெரிய எதிர்பார்ப்பை கிளப்பியுள்ளது. "ரோஜா 2" தொடரில் பிரியங்கா நல்காரியே மீண்டும் ஹீரோயினாக நடிக்கிறார். ஹீரோவாக நியாஸ் நடிப்பதோடு "எதிர்நீச்சல்" புகழ் ஹரிப்ரியா கம்பம் மீனா செல்லமுத்து என சின்னத்திரை பிரபலங்களும் அத்துடன் விக்ரம் வேதா உள்ளிட்ட சில படங்களில் நடித்த நடிகர் ராஜ்குமாரும் முக்கிய ரோல்களில் நடித்துள்ளனர். ரோஜா சீசன் 1 போலவே சீசன் 2வும் டிஆர்பியில் சாதிக்குமா? என்பதை பொறுத்திருந்து பார்க்கலாம்.