அஜித்தின் கிளாடியேட்டர்ஸ் : சிறப்பு தோற்றத்தில் வருபவர்கள் யார்?

Published: மே 02, 2026

எழுத்து அளவு

கடந்த ஓராண்டாக சினிமாவில் நடிப்பதை விட்டு, கார் ரேஸில் கவனம் செலுத்தி வருகிறார் அஜித். துபாய், இத்தாலி, மலேசியா, போர்ச்சுகல், ஸ்பெயின், பெல்ஜியம் நாடுகளில் நடந்த ரேசில் பங்கு பெற்றார். சில போட்டிகளில் வெற்றியும் பெற்றார். அவர் கார் ரேஸ்க்கு தயார் ஆவது, கார் ஓட்டுவது, ரேஸ் பின்னணி தகவல்கள், ரேஸ் குறித்த பேட்டிகளை தொகுத்து கிளாடியேட்டர்ஸ் என்ற ஆவணப்படமாக எடுத்துள்ளார்.

இந்த படத்தை அவரே தயாரித்துள்ளார். விஜய் இயக்கி இருக்கிறார். இந்த ஆவணப்படம் எத்தனை நிமிடம் ஓடும் என தெரியவில்லை. ஆனால், ஒரு பாகமாக இல்லாமல், பல பாகமாக வர உள்ளதாக சொல்கிறார்கள். அஜித் கார் ரேஸில் அவ்வளவு விஷயங்கள் இருக்கிறது என்கிறார்கள். மேலும் கார் ரேஸ் நடக்கும் நாடுகளுக்கு சென்று நயன்தாரா, அனிருத் உட்பட பலர் அஜித்துக்கு ஆதரவு கொடுத்தார்கள். அவர்களின் பேட்டிகள், உலக அளவிலான கார் ரேஸ் வீரர்கள், பேட்டி, அஜித் குழுவினர் பேட்டிகளும் அந்த படத்தில் இருக்கும் என்று கூறப்படுகிறது.

சில கோடி செலவில் அஜித் தயாரித்துள்ள படம் என்பதாலும், ஒரு ஹீரோவின் கார் ரேஸ் என்ற புதிய ஜானராக இருப்பதாலும் பிரபல ஓடிடி நிறுவனங்கள் கிளாடியேட்டஸ் படத்தை வாங்க போட்டி போடுகிறதாம். ஜி.வி.பிரகாஷ் இசையமைத்துள்ள இந்த ஆவணப்படத்தில் பாடல்கள் இருக்காது என்கிறார்கள்.