அர்ஜுன் தாஸுக்கு ஜோடியாகும் துஷாரா

Published: பிப் 14, 2021

எழுத்து அளவு

கைதி, மாஸ்டர் போன்ற படங்களில் வில்லனாக மிரட்டிய அர்ஜுன் தாஸ், வசந்தபாலன் தயாரித்து, இயக்கவுள்ள புதிய படத்தில் நாயகனாக நடிக்க இருக்கிறார். தனது விருதுநகர் பள்ளி நண்பர்களுடன் இணைந்து அர்பன் பாய்ஸ் ஸ்டுடியோஸ் என்ற தயாரிப்பு நிறுவனத்தை தொடங்கியுள்ள வசந்தபாலன், அதன் முதல் படைப்பாக இப்படத்தை தயாரிக்கிறார்.

இப்படத்தில் நடிக்கும் நடிகர், நடிகைகளை ஒவ்வொருவராக சமூகவலைதளப் பக்கம் மூலம் அறிமுகப்படுத்தி வருகிறார் வசந்தபாலன். அதன்படி, இன்னும் பெயரிடப்படாத அப்படத்தில் அர்ஜுன் தாஸுக்கு ஜோடியாக துஷாரா விஜயன் நடிப்பதாக அறிவித்துள்ளனர்.

துஷாரா ஏற்கனவே தமிழில் போதை ஏறி புத்தி மாறி படத்தில் நடித்துள்ளார். பா.ரஞ்சித் இயக்கத்தில் ஆர்யா ஹீரோவாக நடித்து வரும் சர்பேட்டா பரம்பரை படத்தில் நாயகியாக நடித்து வருகிறார் என்பது குறிப்பிடத்தக்கது.