ரிலீஸை உறுதி செய்த இரண்டு வானம்
முண்டாசுப்பட்டி, ராட்சசன் ஆகிய படங்களுக்கு பிறகு இயக்குனர் ராம்குமார், நடிகர் விஷ்ணு விஷால் கூட்டணியில் கடந்த சில வருடங்களாக "இரண்டு வானம்" என்ற படம் உருவாகி வருகிறது. இதில் கதாநாயகியாக மமிதா பைஜூ நடித்துள்ளார். திபு நினன் தாமஸ் இசையமைக்க, சத்யஜோதி பிலிம்ஸ் நிறுவனம் தயாரிக்கின்றனர்.
இதன் பெரும்பாலான படப்பிடிப்பை ஊட்டியில் நடத்தியுள்ளனர். முழுக்க முழுக்க காதல் மற்றும் அட்வென்ச்சர் ஜானரை மையப்படுத்தி இப்படம் உருவாகியுள்ளது. ஏற்கனவே இந்த படத்தை முதலில் இவ்வருடம் பிப்ரவரி மாதத்தில் திரைக்கு கொண்டு வருவதற்காக திட்டமிட்டிருந்தனர். ஆனால், இந்த படத்தின் படப்பிடிப்பை 160 நாட்கள் கடந்தும் படப்பிடிப்பின் நிறைவில் தாமதம் ஆனதால் தள்ளிப்போனது . தற்போது இரண்டு வானம் படம் இவ்வருட சம்மருக்கு திரைக்கு வருகிறது என புதிய போஸ்டரின் மூலம் அறிவித்துள்ளனர். கூடுதலாக, இப்படம் மே 28ம் தேதியன்று திரைக்கு கொண்டு வர தயாரிப்பு நிறுவனம் திட்டமிட்டுள்ளதாக தகவல் தெரிவிக்கின்றனர்.
கோலிவுட் செய்திகள்
கருத்து பதிவு செய்ய
கருத்தை பதிவு செய்ய அல்லது பதிலளிக்க மேலே உள்ள பட்டனை அழுத்தவும். புதிய விண்டோவில் திறக்கும் தினமலர் பக்கத்தில் மட்டுமே கருத்தை பதிவு செய்யலாம்.