இளையராஜா பெயரை நீக்கிய வனிதா

Published: ஜூலை 24, 202

எழுத்து அளவு

நடிகை வனிதா விஜயகுமார் தயாரித்து, இயக்கி, நடித்த படம் "மிசஸ் அண்ட் மிஸ்டர்", ராபர்ட், ஷகிலா, பாத்திமா பாபு, ஆர்த்தி உள்ளிட்ட பலர் நடித்திருந்தார்கள். சமீபத்தில் வெளியான இந்தப் படத்தில் "மைக்கேல் மதன காமராஜன்" படத்தில் இளையராஜா இசையமைத்த "சிவராத்திரி..." பாடல் இடம் பெற்றிருந்தது.

தனது அனுமதியின்றி இந்த படத்தில் இடம் பெற்றுள்ளதாகவும். அதற்கு தடை விதிக்க வேண்டும் என்று சென்னை உயர் நீதிமன்றத்தில் இளையராஜா வழக்கு தொடர்ந்தார். இந்த வழக்கு நேற்று மீண்டும் விசாரணைக்கு வந்தது.

அப்போது, வனிதா விஜயகுமார் கோர்ட்டில் நேரில் ஆஜராகி இருந்தார். "இளையராஜாவின் 4 ஆயிரத்து 850 பாடலை சோனி மியூசிக் நிறுவனம் வாங்கியுள்ளது. அவர்களிடம் இருந்து பாடலை வாங்கி படத்தில் பயன்படுத்தி உள்ளோம். படத்தில் இளையராஜாவின் பெயர் பயன்படுத்தப்பட்டு இருந்தது. தற்போது அதை நீக்கிவிட்டோம்"" என்று வனிதா தரப்பில் தெரிவிக்கப்பட்டது.

இதையடுத்து, "இந்த வழக்கில் சோனி மியூசிக் நிறுவனத்தையும் ஒரு எதிர்மனுதாரராக சேர்க்க வேண்டும்" என்று உத்தரவிட்ட நீதிமன்றம் விசாரணையை ஆகஸ்டு 18ம் தேதிக்கு தள்ளிவைத்தது.