மேஜிக் செய்வதற்காக பயிற்சி எடுத்த யோகிபாபு

Published: ஜூன் 08, 2024

எழுத்து அளவு

நடிகர் யோகிபாபு ஒரு பக்கம் முன்னணி நட்சத்திரங்களின் படங்களில் காமெடி நடிகராக நடித்துக் கொண்டே இன்னொரு பக்கம் கதையம்சம் கொண்ட படங்களில் கதையின் நாயகனாகவும் நடித்து வருகிறார். அந்த படங்களும் வரவேற்பு பெறுவதுடன் வியாபார ரீதியாகவும் வெற்றியை பெற்று வருகின்றன. தற்போது ஜோரா கைய தட்டுங்க என்கிற படத்திலும் கதையின் நாயகனாக நடித்துள்ளார் யோகிபாபு. இந்த படத்தை வினீஸ் மில்லேனியம் என்பவர் இயக்கியுள்ளார்.

இதில் ஒரு மேஜிக் கலை நிபுணர் கதாபாத்திரத்தில் நடிக்கிறார் யோகிபாபு. இதற்காக பிரபல மேஜிக் கலைஞர் ஒருவரிடம் பல நாட்கள் பயிற்சி எடுத்து நடித்துள்ளார் யோகிபாபு. ஒரு காலத்தில் மேஜிக் கலை நிபுணராக புகழ்பெற்ற தனது தந்தையைப் போலவே தானும் மாற வேண்டும் என நினைக்கும் மகன் அதற்காக எடுக்கும் முயற்சிகளும் அவை அவருக்கு கை கொடுத்ததா என்பதையும் மையப்படுத்தி இந்த படம் உருவாகியுள்ளதாம்.

Related Tags: Yogibau