இந்த வாரம், புதிய படங்கள் இல்லையா ?

Published: மே 19, 2026

எழுத்து அளவு

2026ம் ஆண்டின் முதல் பெரிய வெற்றியாக கடந்த வாரம் வெளியான "கருப்பு" படம் அமைந்துள்ளது. உலகம் முழுவதும் 147 கோடி வசூலித்ததாக நேற்று அதிகாரப்பூர்வமாக அறிவித்தார்கள். 100 கோடி வசூலைக் கடந்து, லாபத்தைக் கொடுக்கக் கூடிய படமாக இப்படம் அமையும் என்று எதிர்பார்க்கப்படுகிறது.

கடந்த வாரம் "கருப்பு" படத்துடன் “கரா, சட்டென்று மாறுது வானிலை” ஆகிய படங்கள் வெளிவந்தன. அந்தப் படங்களுடன் இந்த வருடத்தில் இதுவரையில் வெளியான படங்களின் எண்ணிக்கை 90ஐக் கடந்துவிட்டது.

இந்த வாரத்தின் வெள்ளிக்கிழமையான மே 22ம் தேதி புதிய படங்களின் அறிவிப்புகள் எதுவும் வெளியாகவில்லை. கடைசி நேரத்தில் ஏதாவது ஒரு சில படங்கள் வெளிவர வாய்ப்புள்ளது.

அடுத்த வாரம் மே 28ம் தேதி அர்ஜுன், அபிராமி நடித்த "பிளாஸ்ட்" படம் வெளியாவதாக அறிவிக்கப்பட்டுள்ளது. கோடை விடுமுறை அடுத்த வாரத்துடன் நிறைவுக்கு வர உள்ளதால் மேலும் சில படங்கள் வெளியாகலாம்.

ஜுன் மாதத்திற்கான வெளியீடுகள் என்னென்ன என்பது விஜய்யின் கடைசி படமான "ஜனநாயகன்" படத்தின் அறிவிப்பு வந்த பிறகுதான் தெரிய வரும்.